Bergen - Nordfjord
Reis komfortabelt og effektivt mellom Selje og Bergen.
Kvar dag gjennom året kan du reise langs den vakre kysten med oss i Fjord1. Mandag til fredag går det hurtigbåt til og frå Bergen to gonger kvar dag. Laurdag og søndag går båten ein gong kvar dag.
Uansett om du pendlar, er på ferie eller skal besøke nokon du er glad i så kjem du deg trygt frå A til B i våre moderne båtar.
Kjøp billett
Rutetider i PDF
Kor stoppar ekspressbåten?
Ekspressbåten stoppar på sentrumsnære kaier i by og bygd langs kysten av Fjord Norge. Dei fleste stoppa har anløp kvar dag, men ikkje alle. Sjå rutetabell for fleire detaljar.
Ruta Bergen – Nordfjord – Bergen har desse stoppa:
| Selje | Rysjedalsvika |
| Måløy | Skjerjehamn |
| Leirgulen | Sollibotn |
| Smørhamn | Mjømna |
| Florø | Vardetangen |
| Askvoll | Lygra |
| Krakhella | Bergen |
Gode prisar og rabattar
Enten du er pensjonist, student, reiser med familien eller kjøper tur/retur-billett, så skal du få ei god reiseoppleving til ein god pris.
- 50 % rabatt for barn og honnør
- 40 % rabatt for studentar
- 25 % ekstra rabatt ved kjøp av tur/retur-billett
- Familiepris: Maksimum 204 kroner per barn som reiser saman med ein betalande vaksen. Familierabatten gjeld for opptil fire barn per vaksen, og maksimalt to vaksne og åtte barn per bestilling.
- Ungdomsbillett frå Skyss
- Seniorkort - meir informasjon kjem
Servering om bord
I kiosken kan du kjøpe varme og kalde rettar, snacks og forfriskingar.
Snart tilbyr vi også frukostpakke!
I framtida kan du førehandsbestille ein frukostpakke til 10 % rabatt samtidig som du bestiller båtbillett.
Frukostpakkane består av grovt rundstykke m/ost og skinke, yoghurt, vatn, kaffi/te inkl.påfyll, eller varm sjokolade.
Kvifor velge ekspressbåt?
Det er mange grunnar til at både fastbuande og tilreisande vel å reise med ekspressbåt. Ei spørjeundersøking blant dei reisande på rutene mellom Bergen, Nordfjord og Sogn viser at desse fordelane veg tyngst:
- Avslappande reise: Heile 64 % oppgir at dei vel ekspressbåten fordi dei slepp å køyre bil sjølv.
- Sentrumsnære stopp: Nesten 60 % meiner det er viktig at ekspressbåten stoppar nært sentrum.
- Ei naturoppleving i seg sjølv: 47 % vel ekspressbåten fordi turen byr på vakre naturopplevingar langs kysten og fjordane.
- Tid til jobb og studiar: Over ein tredel (35 %) nyttar reisetida til å jobbe eller studere undervegs.
- Kort reisetid: 34 % vel ekspressbåten fordi dei kjem seg raskt fram.
- Enkelt å reise med barn: Nær 20 % trekker fram at ekspressbåten er eit praktisk alternativ for familiar med barn.
Prosenttala kjem frå Fjord1 si spørreundersøking blant personar som reiser, eller vurderer å reise, med ekspressbåt mellom Bergen og Nordfjord og mellom Bergen og Sogn.
Ofte stilte spørsmål
Kan eg ta med hund på reisa?
Ja, du kan ta med hund på reisa. Du bestiller plass til hunden samtidig som du kjøper båtbillett. Hundar blir plasserte på tildelt plass av mannskapet. På grunn av allergiar blant andre reisande kan vi dessverre ikkje garantere tilgang til salongen. Vi anbefaler difor at du tek med eige hundebur.
Kan eg reise med elektrisk rullestol?
Ja, du kan ta med elektrisk rullestol på reisa. Du kan reservere plass til rullestolen kostnadsfritt samtidig som du bestiller båtbillett. Rullestolplassen er plassert like i nærleiken av andre seter. Det er universell utforming på hovuddekk i alle fartøy inkludert hovudsalong, kiosk og toalett. Ta gjerne kontakt med mannskapet for spørsmål og assistanse før og under reisa.
Er det enkelt å jobbe om bord?
Vi legg til rette for at du kan arbeide effektivt om bord på ekspressbåtane. Du kan forvente ei komfortabel reise med gratis internett og stikkontaktar lett tilgjengeleg. På reisa kan du ta med bagasje på opptil 20 kg kostnadsfritt.
Vi har eit stort utval av mat og drikke i kiosken om bord dersom du blir svolten på reisa.
På ekspressbåtane finst det ulike typer seter du kan velge imellom. Ein del seter er plassert ved bord, medan andre seter har klappbord som har plass til ein PC.
Kan eg lade mobil og PC om bord?
Ja, du kan enkelt lade mobil, PC og liknande om bord. Stikkontaktar er tilgjengeleg ein rekke stader i salongane både oppe og nede i båten.